新聞快打 – 二零⼀九年六月二十八日

http://www.5dwalk.net/wp-content/uploads/2019/06/2018-11-16-11.18.43-143x190.png

又係新聞快打嘅時間啦!煙花in東京,AI機械人講中文,觀光火車加入免費WiFi,重有酒店新聞!

Posted in 交通, 住宿, 新聞, 日本, 火車, 通訊 | Leave a comment

新聞快打 – 二零⼀九年五月十日

http://www.5dwalk.net/wp-content/uploads/2019/05/2018-11-16-18.00.46-e1557475850196-190x143.jpg

新聞快打又嚟啦!今個星期酒店料特多,週末好去處又有吉卜力展覽,米田共都有藝術館,Naked亦有新art show。詳情睇落去就知! 酒店開完一間又一間:雖然開極都有,但旺季酒店繼續爆滿。大型酒店自然有市場,例如Oriental (Hotel Management Japan旗下網絡)就會喺博多站前開一間221間房嘅分店,係佢哋九州嘅首間分店。港人favorite之一嘅華盛頓亦會喺京都開一間十層嘅分店。另外,以關西為基地嘅Karaksa Hotels會喺嚟緊兩個月喺東京開兩間分店。除咗大型酒店之外,不少新酒店都強調experience,早兩星期提過嘅無印酒店就係一例。又例如Accors亦會喺京都開一間女性客專用嘅酒店,喺內裝、amenities、餐飲上完全滿足女性旅客嘅優雅氣質。Boutique系亦有新人加入,喺大阪正中心開一間十四間房嘅小酒店。 便便藝術館:日本人真係乜鬼都可以搞得一餐。Unko Museum Yokohama顧名思義,就係米田共博物館,有馬桶俾入場人士影相,波波池有高過人嘅便便(俾唔俾督嘅呢?),重有各式米田共藝術創作。啱唔啱睇就見仁見智,不過七月十五號就完,要睇就要快手啦。 酒店借用手機可以訂棒球飛?:如果你住過外國酒店嘅,都可能會見過酒店有smartphone可以借用,一般除咗代替房內電話外,亦會提供當地旅遊資訊。家陣又可能多一個用途,就係買棒球飛。日本其中一家酒店手機供應商Hi Japan同九州嘅棒球隊福岡Softbank Hawks合作,利用Hi Japan嘅手機提供棒球觀戰攻略及購買棒球飛。 週末好去處:本週末限定,神田明神有「鈴木敏夫與吉卜力」美術展,喺神社內嘅神田明神文化交流館咖啡室亦有期間限定menu,重有湯婆婆繪馬出售。吉卜力粉不妨去睇下~ NAKED古蹟crossover:上年楓期,媒體創作公司Naked喺二条城嘅多媒體創作fLOWERS開拓咗媒體show與古蹟嘅合作,今年佢哋再接再厲,近日會為道後温泉創作與手塚治虫嘅火之鳥crossover映象,以及為慶祝京都南座歌舞伎劇院復修完成嘅「京都未來祭2019」提供多媒體體驗。有時間又喺日本嘅朋友就唔好錯過啦! 今個禮拜新聞又告一段落。嚟緊嘅幾個月,大家會唔會出遊呢?會去邊度玩?不妨留個言同大家分享下~

Posted in 住宿, 文化, 新聞, 日本, 景點, 通訊 | Tagged , , , , , , , , , | Leave a comment

新聞快打 – 二零⼀九年四月十九日

http://www.5dwalk.net/wp-content/uploads/2019/04/IMG_2133-190x143.png

又係新聞快打嘅時間啦!今個星期有Welcome SIM臨別秋波,奧運日本國內入場卷即將接受申請,JR西日本巴士引入雙層巴士,同埋酒店搞坐禪體驗。

Posted in 交通, 住宿, 文化, 新聞, 日本, 通訊 | Tagged , , , , , | Leave a comment

新聞快打 – 二零⼀九年四月十二日

http://www.5dwalk.net/wp-content/uploads/2019/04/2019-04-01-10.32.06-190x127.jpg

又係新聞快打嘅啦!幾個禮拜都喺plan行程、出發、影相中渡過,今個禮拜總算回魂喇!事不宜遲,睇新聞去也! 無印酒店第三分店銀座開業:我諗大家對無印良品都唔會陌生。佢哋近年進軍酒店業,頭兩間喺北京同深圳。回歸原點,第三店終於喺上星期同銀座全球旗艦店一齊開幕。呢排咁多日本假期,睇嚟無乜機會入去住下,不過睇下內文嘅搶先報導,都應該可以止下咳嘅。 Hyatt進軍日本第一彈,千葉浦安一號店本週開張:唔講原來唔知,凱悦原來未有酒店喺日本。不過七月開始就有喇!Hyatt Place Tokyo Bay開喺千葉嘅浦安市,睇嚟唔就腳但其實喺東京廸士尼附近,行去JR新浦安站搭一個站就到,酒店地點又鄰近夏季浦安市花火大會嘅會場,睇嚟會成為煙花、廸士尼粉嘅必爭之地。今個星期開始接受訂房,有興趣嘅朋友睇嚟要快手啦。 東京Monorail為應付十連休人潮,加開不停站快車:十連休威力驚人,羽田機場作為國內、外班機總匯之一,自然嚴陣以待。東京Monorail將會喺四月廿七至五月六日期間,每日將四十六班慢車改為只停羽田各客運大樓及浜松町站嘅「空港快速」班次,以疏導人流。 福岡機場行得到嘅新酒店:五月三十日,View Hotel集團將會喺福岡機場附近開設專為夜機、早機客服務嘅新酒店。呢間「Grand View福岡機場酒店」嘅最大特色,就係距離機場只係八分鐘腳程,非常近便,最啱夜機到嘅旅客借宿一宵。 今個星期又告一段落,下星期再見!

Posted in 交通, 住宿, 新聞, 日本, 通訊 | Tagged , , , , | Leave a comment

新聞快打 – 二零⼀九年三月七日

http://www.5dwalk.net/wp-content/uploads/2019/03/DSCN0251-190x143.png

各位好,新聞快打返嚟喇!今個星期有京都新聞,唔睇櫻花有乜睇?又或者唔喺大城市睇櫻花有乜好去處?同埋大膠囊酒店新玩法!

Posted in 交通, 住宿, 新聞, 日本, 景點, 通訊 | Tagged , , , , , , , , | Leave a comment

新聞快打 – 二零一八年十月二十五日

又係新聞快打嘅時間喇!今個禮拜有豐州新酒店,彩虹橋亮燈,紅葉資訊,重有AI機械人測試?

Posted in 住宿, 日本, 景點, 通訊 | Tagged , , , , , , | Leave a comment

新聞快打 – 二零一八年十月五日

http://www.5dwalk.net/wp-content/uploads/2018/10/P6210540-190x143.png

哈囉大家好,又係每週一次嘅新聞快打!今個星期有新巴士pass,翻譯器試驗,重有無印回歸日本?

Posted in 交通, 住宿, 新聞, 日本, 景點, 行程, 通訊 | Tagged , , , , , , , , | Leave a comment

新聞快打 – 二零一八年九月二十日

又係新聞快打嘅時間,大家好!今個星期都有唔少便利旅客嘅好消息,由關西機場進一步回復正常,到七銀行(Seven Bank)嘅櫃員機新搞作,我哋為你一一網羅。 關西機場聯絡橋喺今個月嘅颱風被油輪撞毀後,鐵道部份損毀輕微。經搶修後,JR線及南海電鐵已經喺今個星期二(九月十八日)恢復正常班次。至於損傷較嚴重嘅汽車橋部份,因為訂製新橋桁需時,冬季海面情況亦不利大型工程,故此預計下年春季開始工程。目標係喺Golden Week前完成修理。車輛通行方面,機場巴士正常運作外,廿一日開始的士可以進出機場,租車則繼續禁止通行。 我諗大家都可能試過喺日本用晒現金,要去便利店嘅櫃員機攞錢。大家又有冇試過喺便利店想用西瓜買嘢,但張咭唔夠錢要增值,言語又唔通?家陣有個更好嘅辦法:JR東日本同七銀行合作,由十月十五日開始喺全日本嘅七銀行櫃員機推出IC咭增值服務。服務無需户口,現金交易,以千円為單位,每次最多入二萬円。喺七十一店內嘅櫃員機會廿四小時提供服務。喺七銀行嘅機,服務時間會跟分行開放時間。 尾道市係單車友嘅好去處,事關市內連接四國嘅島南海道係踩車來往四國嘅熱點。而即將喺年尾完成重建嘅JR尾道站,剛公布嘅店鋪名單就突顯JR西日本銳意發展單車旅遊嘅目標。名列第一嘅係以單車旅客為對象嘅hostel,同埋兼營單車租賃嘅咖啡室。另外重有以尾道文化為賣點嘅食店、咖啡館、土產店等。七十一亦會開設一間小型超市,並置有櫃員機、影印機。 JR快速巴士關東同西日本分社同時慶祝三十週年紀念,推出東海道大減價!日、夜班都有平,東京來往京阪神最低三千円有交易。使用期由十一月一日至十二日廿二日(十一月廿二日除外),兩個月前可以上網訂位。 星巴克上野公園店搞art fair?今個星期六到下星期一(即九月廿二至廿四日),星巴克上野公園店會開設藝術村,同時邀請來賓同本地藝術家合作創作大型併貼畫Art Tree,為畫作添上不同顏色嘅落葉。時間係每日早上十點至下午三點。 大家有冇準備好去日本睇紅葉?不妨分享下你嘅計劃?下星期再見!

Posted in 交通, 住宿, 文化, 新聞, 日本, 通訊 | Tagged , , , , , , , , | Leave a comment

新聞快打 – June 14, 2018

http://www.5dwalk.net/wp-content/uploads/2018/06/IMG_9380-300x225.jpg

其實重有無人寫網摘㗎?唔理喇,呢篇就係網摘。新聞快打會為大家品評過去一星期嘅日本旅遊新聞,讓大家掌握第一手資訊,準備行程嘅時候就唔駛周圍搵喇。 好,入正題。 有搭過廉航去成田機場第三航厦嘅都知道嗰邊都幾迫下,入境出境撈埋一齊亦易令旅客混亂。好彩機場當局亦知道LCC航班增長比想像中高,已計劃擴建第三航厦,2019年完工。將會將入境大堂分去擴建部分,重新分配出入境流程。希望到時搭廉航去成田會舒服啲喇。 成田空港第3ターミナル増築で第5貨物ビル撤去–到着ロビー増築と導線整備へhttps://news.mynavi.jp/article/20180427-623533/ 民泊法將於六月十五日生效,大幅規管Airbnb類型民宿。Airbnb今日(6/14)喺東京開記招,創辦人之一Nathan Blecharczyk宣布多項措施對應。其中最大動作嘅必然係Airbnb Plus(引入官方認證host),起用人事管理公司Persona訓練host,同埋與日本本地公司合作,例如加入航空公司里程計劃等。 住Airbnb有里數儲當然係好事啦。不過搞官方host就似乎係走向Airbnb近年以旅遊經驗為主軸嘅生意模式,會唔會變成一式一樣嘅Airbnb牌小酒店呢?睇嚟要放長雙眼睇耐啲先知喇。 Airbnb offers new services, refunds day before minpaku law kicks in https://www.japantimes.co.jp/news/2018/06/14/business/corporate-business/airbnb-offers-new-services-refunds-day-minpaku-law-kicks/#.WyJMN4oRWhA 京阪出新pass,今次係大阪京都加叡山電鐵全線(不過唔包比叡山纜車)。一日pass無限次乘搭,1500羊有交易,現已有售。 Kyoto-Osaka Sightseeing Pass(Greater KURAMA & KIBUNE area) https://www.keihan.co.jp/travel/en/tickets/special/eizan-railway 大家覺得如何?啲料掂唔掂先?俾啲comment,等小弟可以再tune一下,唔該晒~ 下星期再見~  

Posted in 交通, 住宿, 日本, 通訊 | Leave a comment