新聞快打 – 二零⼀九年二月二十八日

http://www.5dwalk.net/wp-content/uploads/2019/02/DSCN0250-190x143.png

又係每週一次嘅新聞快打嘅時間啦!櫻花重有唔到一個月就開,大家有無準備飛返一轉呢?

Posted in 交通, 文化, 新聞, 日本, 景點, 火車, 通訊, 飲飲食食 | Tagged , , , , , , , , , , , | Leave a comment

新聞快打 – 二零一八年九月十二日

http://www.5dwalk.net/wp-content/uploads/2018/09/DSCN5212-190x143.png

大家好,又係新聞快打嘅時間喇! 車站麵食不少獨行客都可能食過,但用智能手機喺車站麵店落order你又有無試過呢?家陣有機會喇。車站蕎麥麵店いろり庵きらく嘅JR上野站分店已經開始試驗(至十一月三十日)用食店搜尋app Japan Foodie(App Store及Google Play有得下載)嚟處理mobile order,希望可以提供對應外國遊客嘅簡易order方法。 西日本高速道路已經喺今日進行拆除關西機場對外聯絡橋損壞部份工作,預計九月十四日會完成,以便盡快開始維修。日本國土交通省估計大概喺兩星期後(風災後四星期)機場嘅火車服務會漸次恢復。 JR 東日本將於東京站內加建五部昇降機,趕及奧運前啓用,以應付遊客嘅需要。(https://www.traicy.com/20180911-jreasttokyo) JR東海將會加強站內英文廣播,以應付車務調度,災難疏散等站務廣播。另外由九月十四日開始,行走昇龍道地區嘅特急飛騨,及行走中央本線嘅特急信濃,車內廣播將會加入車站號碼資訊。 (https://www.traicy.com/20180912-jrcannouncement) One more thing: 2018紅葉預想出咗啦! 下星期再見~

Posted in 交通, 新聞, 日本, 飲飲食食 | Tagged , , , , | Leave a comment

新聞快打 – 二零一八年九月五日

http://www.5dwalk.net/wp-content/uploads/2018/09/2018-06-24-16.55.11-190x143.jpg

各位好,又係新聞快打嘅時間!今期有無口貓巴士(?),築地一代地標走入歷史,同埋富士山靚景不求人!

Posted in 交通, 新聞, 日本, 景點, 通訊, 飲飲食食 | Tagged , , , , , , , | Leave a comment

新聞快打 – 二零一八年九月一日

http://www.5dwalk.net/wp-content/uploads/2018/08/DSCN5392-190x143.png

今個星期嘅新聞快打又嚟喇!今次嘅交通消息比較多,不過其他新聞一樣齊全!

Posted in 交通, 新聞, 日本, 通訊, 飲飲食食 | Tagged , , , , , , | Leave a comment

新聞快打 – 二零一八年八月二十五日

http://www.5dwalk.net/wp-content/uploads/2018/08/IMG_1986-190x143.png

大家好,新聞快打又返嚟喇!呢期日本重係好熱,大家有無唔理三七廿一照飛可也呢?有嘅不妨留言同大家分享下日本熱成點吖! 據報香港快運因為香港去九州宮崎線錄得赤字,決定由十月二十八日起停飛。而同日香港至鹿兒島線將會加班,由每週五班加到每日一班,據稱係由宮崎線停飛多出嚟嘅飛機頂上。大家如果已經買咗十一月打後去宮崎嘅飛就要留意,因為香港快運官網係未有宣布嘅,予先做定兩手準備會安全啲。 JR巴士關東將會喺佢哋嘅東京至名古屋高速巴士線上引入雙層巴士,每日兩班,早班七點半由東京站出發,下午四點半由名古屋站回程。呢兩班睇嚟都係比較熱門嘅班次,轉用雙層巴士明顯有助疏導人流。之但係點解咁多人搭長途巴士呢?呢個就要留意之後嘅專題喇。(介紹:https://www.traicy.com/20180801-jrbk-astromega) 日本嘅火車、地鐵站常常會有各類型嘅表演、活動,我哋之前都有介紹過。但係,喺車站月台食餃子飲啤酒,你又試過未?由即日至九月五號,喺JR両國站就有得試喇!今次係JR東日本同味之素冷凍食品嘅合作,會喺両國站嘅三号月台舉行,自己落手落腳即整即食。官網有上年嘅相可供參考,睇落都幾正。(介紹:https://www.traicy.com/20180820-ryogokugyoza) 七十一喺日本開到通街都係就唔係新聞,不少地鐵站都會見到佢哋嘅鋪,同Kiosk/NewDays/Lawson/FamilyMart分庭抗禮。喺車站自販機就更加普遍,幾乎每個月台都有。但七仔嘅自販機你又見過未?今個月頭,七十一喺都營地下鐵三田線嘅巢鴨站裝咗一部佢哋嘅自販機,主要係販賣食品,例如三文治、飯團等。大家如果日後會經過巢鴨站嘅,不妨落去睇下、打個咭。(介紹:https://trafficnews.jp/post/81126) 今期嘅新聞就講到呢度,下次再見!

Posted in 交通, 新聞, 日本, 通訊, 飲飲食食 | Tagged , , , , , , , , , , , | Leave a comment

新聞快打 – 二零一八年七月二十六日

各位好,又係新聞快打嘅時間!今個星期又有大批新料喇! 京都梅小路公園係京都鐵路博物館同同京都水族館嘅所在地,係一家大細玩一日嘅好去處,同埋鐵仔鐵女嘅朝聖地。之但係由京都火車站行過去只可以麻煩嚟形容(上個月去嘅時候計埋搵路行咗十五分鐘),所以喺京都市商、政各方推動同埋JR西日本合作下,決定喺嵯峨野線上加一個新站,2016年已動工興建,下年完工。上星期JR公佈經公眾投票決定嘅站名,定名為梅小路京都西站。車站嘅位置喺梅小路公園嘅巴士站對出(近京都鐵路博物館正門),相信啟用後去博物館嘅行程會舒服好多。 (JR西日本新聞稿:http://www.westjr.co.jp/press/article/2018/07/page_12734.html) 講開京都,喺嗰邊如果夜晚想消暑,喺京都站一個街口外嘅崇仁新町(官網:http://sujin-shinmachi.com/)會係你嘅好去處。平日由下晝五點到十一點,週末紅日三點就開,有酒飲有嘢食,重會有表演睇! 表演日日都有,家陣介紹一個喺東京嘅。Tokyo Metro旗下嘅文化推廣機構Metro文化財團,呢幾年都有喺夏季搞啲免費音樂會,今年亦唔例外,會係八月一日(下星期三)喺渋谷站內近13號出口舉行,一共兩節,由色士風組合Five by Five(https://www.five-by-five.tokyo/)擔綱演出,預定會吹奏演繹韓德爾、莫札特、羅西尼、韋華第多首古典名曲。(新聞稿:http://www.metrocf.or.jp/culture/2018/concert_st180801.html) 影相好去處:奈良嘅春日大社(http://www.kasugataisha.or.jp/index.html)嘅石燈籠出咗名多,亦係世界遺產。日頭去影相已經靚,有冇諗過夜晚都可以去?家陣機會嚟喇,因為每年嘅二月三日同八月十四、十五日,春日大社都會舉行名為萬燈籠嘅夜間點燈祭典,日本國家旅遊局都有介紹(官網link:https://welcome2japan.hk/attractions/event/traditionalevents/february/a09_fes_setsubun.html),不過佢哋講嘅係二月嘅節分萬燈籠)。八月嘅叫做中元萬燈籠,Travel.jp嘅呢篇(https://www.travel.co.jp/guide/article/33758/)有頗多相片可以參考。下個月喺關西嘅影友不妨考慮下。入場費500円,開放時間係晚上七點至九點半。 八卦料:東京市政府早排訪問咗大約一萬三千名外國遊客,發現佢哋喺東京流連嘅地區會因為國籍而有所不同。例如歐美遊客喜歡渋谷,台灣人就去淺草體驗下町風情。東南亞、韓、香港遊客鐘情新宿,大陸同俄羅斯人就去銀座駛錢。最奇嘅係印度人獨愛秋葉原,可能係去買貨同睇IT嘢都唔定。東京市政府希望調查會顯示名國遊客嘅喜好,從而進一步提供、配合佢哋嘅需要。(Japan News報導:http://www.the-japan-news.com/news/article/0004576569) 今個禮拜講到呢度,下次再見!

Posted in 交通, 文化, 新聞, 日本, 景點, 飲飲食食 | Leave a comment

ANA機上的怪飲品 – 香るかぼす

http://www.5dwalk.net/wp-content/uploads/2014/05/img_drink01-190x150.jpg

其實識我耐少少既人都知我對ANA有偏愛的。以前個個同事過美國華盛頓 IAD 都會係坐 CX 過去紐約或者多倫多再轉機, 可是我係會坐 ANA 先去 TYO 再飛去 IAD, 理由你應該懂得的。;-) 而 ANA 比起 CX 或者 UA 係酒水方面也算得上大方的。當CX 有 250ml 紙包檸檬茶俾你慢慢飲時, 我多數會問佢拎支白酒再加杯蘋果汁,自家 DIY Apple Cider….. 不過近兩次坐佢地,發覺咗一種新飲品, 叫做 香るかぼす。 官網介紹 – 太陽の光をたっぷり浴びて育った、九州・大分産の新鮮な「かぼす」をぎゅっと搾りました。柔らかな酸味と蜂蜜の甘さがほどよく調和して、心も体もほっと癒される爽やかさをお楽しみください。 即係乜? 我唔知道。不過好飲到令我好想買番兩支來飲囉。如果咁啱你下次會飛ANA, 不妨試試!

Posted in 交通, 飲飲食食 | Tagged , , | Leave a comment