新聞快打 – 二零⼀九年五月十日

http://www.5dwalk.net/wp-content/uploads/2019/05/2018-11-16-18.00.46-e1557475850196-190x143.jpg

新聞快打又嚟啦!今個星期酒店料特多,週末好去處又有吉卜力展覽,米田共都有藝術館,Naked亦有新art show。詳情睇落去就知! 酒店開完一間又一間:雖然開極都有,但旺季酒店繼續爆滿。大型酒店自然有市場,例如Oriental (Hotel Management Japan旗下網絡)就會喺博多站前開一間221間房嘅分店,係佢哋九州嘅首間分店。港人favorite之一嘅華盛頓亦會喺京都開一間十層嘅分店。另外,以關西為基地嘅Karaksa Hotels會喺嚟緊兩個月喺東京開兩間分店。除咗大型酒店之外,不少新酒店都強調experience,早兩星期提過嘅無印酒店就係一例。又例如Accors亦會喺京都開一間女性客專用嘅酒店,喺內裝、amenities、餐飲上完全滿足女性旅客嘅優雅氣質。Boutique系亦有新人加入,喺大阪正中心開一間十四間房嘅小酒店。 便便藝術館:日本人真係乜鬼都可以搞得一餐。Unko Museum Yokohama顧名思義,就係米田共博物館,有馬桶俾入場人士影相,波波池有高過人嘅便便(俾唔俾督嘅呢?),重有各式米田共藝術創作。啱唔啱睇就見仁見智,不過七月十五號就完,要睇就要快手啦。 酒店借用手機可以訂棒球飛?:如果你住過外國酒店嘅,都可能會見過酒店有smartphone可以借用,一般除咗代替房內電話外,亦會提供當地旅遊資訊。家陣又可能多一個用途,就係買棒球飛。日本其中一家酒店手機供應商Hi Japan同九州嘅棒球隊福岡Softbank Hawks合作,利用Hi Japan嘅手機提供棒球觀戰攻略及購買棒球飛。 週末好去處:本週末限定,神田明神有「鈴木敏夫與吉卜力」美術展,喺神社內嘅神田明神文化交流館咖啡室亦有期間限定menu,重有湯婆婆繪馬出售。吉卜力粉不妨去睇下~ NAKED古蹟crossover:上年楓期,媒體創作公司Naked喺二条城嘅多媒體創作fLOWERS開拓咗媒體show與古蹟嘅合作,今年佢哋再接再厲,近日會為道後温泉創作與手塚治虫嘅火之鳥crossover映象,以及為慶祝京都南座歌舞伎劇院復修完成嘅「京都未來祭2019」提供多媒體體驗。有時間又喺日本嘅朋友就唔好錯過啦! 今個禮拜新聞又告一段落。嚟緊嘅幾個月,大家會唔會出遊呢?會去邊度玩?不妨留個言同大家分享下~

Posted in 住宿, 文化, 新聞, 日本, 景點, 通訊 | Tagged , , , , , , , , , | Leave a comment

新聞快打 – 二零⼀九年四月十九日

http://www.5dwalk.net/wp-content/uploads/2019/04/IMG_2133-190x143.png

又係新聞快打嘅時間啦!今個星期有Welcome SIM臨別秋波,奧運日本國內入場卷即將接受申請,JR西日本巴士引入雙層巴士,同埋酒店搞坐禪體驗。

Posted in 交通, 住宿, 文化, 新聞, 日本, 通訊 | Tagged , , , , , | Leave a comment

新聞快打 – 二零⼀九年二月二十八日

http://www.5dwalk.net/wp-content/uploads/2019/02/DSCN0250-190x143.png

又係每週一次嘅新聞快打嘅時間啦!櫻花重有唔到一個月就開,大家有無準備飛返一轉呢?

Posted in 交通, 文化, 新聞, 日本, 景點, 火車, 通訊, 飲飲食食 | Tagged , , , , , , , , , , , | Leave a comment

新聞快打 – 二零⼀九年一月四日

http://www.5dwalk.net/wp-content/uploads/2019/01/IMG_9147-190x143.png

新年快樂!現在為大家送上今年第一期新聞快打!

Posted in 交通, 文化, 新聞, 日本, 景點, 通訊 | Tagged , , , , , , | Leave a comment

新聞快打 – 二零一八年九月二十日

又係新聞快打嘅時間,大家好!今個星期都有唔少便利旅客嘅好消息,由關西機場進一步回復正常,到七銀行(Seven Bank)嘅櫃員機新搞作,我哋為你一一網羅。 關西機場聯絡橋喺今個月嘅颱風被油輪撞毀後,鐵道部份損毀輕微。經搶修後,JR線及南海電鐵已經喺今個星期二(九月十八日)恢復正常班次。至於損傷較嚴重嘅汽車橋部份,因為訂製新橋桁需時,冬季海面情況亦不利大型工程,故此預計下年春季開始工程。目標係喺Golden Week前完成修理。車輛通行方面,機場巴士正常運作外,廿一日開始的士可以進出機場,租車則繼續禁止通行。 我諗大家都可能試過喺日本用晒現金,要去便利店嘅櫃員機攞錢。大家又有冇試過喺便利店想用西瓜買嘢,但張咭唔夠錢要增值,言語又唔通?家陣有個更好嘅辦法:JR東日本同七銀行合作,由十月十五日開始喺全日本嘅七銀行櫃員機推出IC咭增值服務。服務無需户口,現金交易,以千円為單位,每次最多入二萬円。喺七十一店內嘅櫃員機會廿四小時提供服務。喺七銀行嘅機,服務時間會跟分行開放時間。 尾道市係單車友嘅好去處,事關市內連接四國嘅島南海道係踩車來往四國嘅熱點。而即將喺年尾完成重建嘅JR尾道站,剛公布嘅店鋪名單就突顯JR西日本銳意發展單車旅遊嘅目標。名列第一嘅係以單車旅客為對象嘅hostel,同埋兼營單車租賃嘅咖啡室。另外重有以尾道文化為賣點嘅食店、咖啡館、土產店等。七十一亦會開設一間小型超市,並置有櫃員機、影印機。 JR快速巴士關東同西日本分社同時慶祝三十週年紀念,推出東海道大減價!日、夜班都有平,東京來往京阪神最低三千円有交易。使用期由十一月一日至十二日廿二日(十一月廿二日除外),兩個月前可以上網訂位。 星巴克上野公園店搞art fair?今個星期六到下星期一(即九月廿二至廿四日),星巴克上野公園店會開設藝術村,同時邀請來賓同本地藝術家合作創作大型併貼畫Art Tree,為畫作添上不同顏色嘅落葉。時間係每日早上十點至下午三點。 大家有冇準備好去日本睇紅葉?不妨分享下你嘅計劃?下星期再見!

Posted in 交通, 住宿, 文化, 新聞, 日本, 通訊 | Tagged , , , , , , , , | Leave a comment

新聞快打 – 二零一八年八月六日

http://www.5dwalk.net/wp-content/uploads/2018/08/IMG_0813-1024x768.jpg

又係新聞快打嘅時間喇,大家好! 攝於JR門司港站,2011年 JR九州門司港站 (https://ja.m.wikipedia.org/wiki/%E9%96%80%E5%8F%B8%E6%B8%AF%E9%A7%85) 修復工程終於接近完成!座落於分隔本州與九州嘅關門海峽一隅,門司區 (https://ja.m.wikipedia.org/wiki/%E9%96%80%E5%8F%B8%E5%8C%BA)雖然喺歷史上無對面岸嘅下關 (https://ja.m.wikipedia.org/wiki/%E4%B8%8B%E9%96%A2%E5%B8%82)咁出名,但都喺歷史舞台上穩佔一席,其中一個原因就係喺關門隧道開通前,以聯絡船連接九州同本州火車線嘅門司港站。由於日久失修,JR喺一二年將站舍關閉進行修復,目標為回復站舍建成時嘅原貌、加強結構、加裝電梯。上星期JR九州宣佈站舍將於一九年三月重新啟用,並於今年十一月十日先行將售票機及『綠之窗口』售票處搬返原站舍。完成後,焦點除咗站舍之外,重有由東京有名米芝蓮二星分子料理Narisawa主理嘅Mikado食堂!食家們要留意喇!(介紹:https://trafficnews.jp/post/81036) [不是廣告] Yahoo!乗換案内Android版加入巴士資訊! 日本嘅巴士資料一般都係喺各大巴士公司嘅網站先搵得到,要諗行程嘅時候就好鬼麻煩。做火車班次搜尋了得嘅Yahoo!乗換案内,之前喺iOS版加入巴士班次搜尋(包括東京都內路線巴士、社區巴士,以及高速巴士、機場巴士、夜行巴士等),家陣連Android版都有喇。(介紹:https://trafficnews.jp/post/81062) [都不是廣告]樂桃航空推出關西機場-釧路嘅直航線,上星期三已經開航,每日對開一班,用嘅飛機係A320。呢條新線係繼香草成田-函館線外,第二條不經新千歲機場嘅廉航國內線。單程5290円,包燃油附加費唔包手續費。喺網站實測,八、九月票價暫時高企,十月左右回落返去底價,單程包一件寄倉行李要7790円,比同期關西去札幌平大概1500-2000円,似乎用嚟openjaw性價比會最高。(介紹:https://dsk.ne.jp/news/peach_kushiro_20180801.html) 喺淺草學跳舞?重要係免費?係!每星期日(除特別情況),喺淺草嘅淺草文化觀光中心(http://www.city.taito.lg.jp/index/bunka_kanko/oyakudachi/kankocenter/a-tic-gaiyo.html)有一個名為「外国人向け伝統文化体験プログラム 日本舞踊」嘅免費workshop,一個鐘頭,包傳統服飾、道具,學完重有得影相、睇表演,十分超值。(介紹: https://matcha-jp.com/jp/6161) 今個星期到呢一度,下星期再見!

Posted in 交通, 文化, 新聞, 日本, 景點, 通訊 | Leave a comment

新聞快打 – 二零一八年七月二十六日

各位好,又係新聞快打嘅時間!今個星期又有大批新料喇! 京都梅小路公園係京都鐵路博物館同同京都水族館嘅所在地,係一家大細玩一日嘅好去處,同埋鐵仔鐵女嘅朝聖地。之但係由京都火車站行過去只可以麻煩嚟形容(上個月去嘅時候計埋搵路行咗十五分鐘),所以喺京都市商、政各方推動同埋JR西日本合作下,決定喺嵯峨野線上加一個新站,2016年已動工興建,下年完工。上星期JR公佈經公眾投票決定嘅站名,定名為梅小路京都西站。車站嘅位置喺梅小路公園嘅巴士站對出(近京都鐵路博物館正門),相信啟用後去博物館嘅行程會舒服好多。 (JR西日本新聞稿:http://www.westjr.co.jp/press/article/2018/07/page_12734.html) 講開京都,喺嗰邊如果夜晚想消暑,喺京都站一個街口外嘅崇仁新町(官網:http://sujin-shinmachi.com/)會係你嘅好去處。平日由下晝五點到十一點,週末紅日三點就開,有酒飲有嘢食,重會有表演睇! 表演日日都有,家陣介紹一個喺東京嘅。Tokyo Metro旗下嘅文化推廣機構Metro文化財團,呢幾年都有喺夏季搞啲免費音樂會,今年亦唔例外,會係八月一日(下星期三)喺渋谷站內近13號出口舉行,一共兩節,由色士風組合Five by Five(https://www.five-by-five.tokyo/)擔綱演出,預定會吹奏演繹韓德爾、莫札特、羅西尼、韋華第多首古典名曲。(新聞稿:http://www.metrocf.or.jp/culture/2018/concert_st180801.html) 影相好去處:奈良嘅春日大社(http://www.kasugataisha.or.jp/index.html)嘅石燈籠出咗名多,亦係世界遺產。日頭去影相已經靚,有冇諗過夜晚都可以去?家陣機會嚟喇,因為每年嘅二月三日同八月十四、十五日,春日大社都會舉行名為萬燈籠嘅夜間點燈祭典,日本國家旅遊局都有介紹(官網link:https://welcome2japan.hk/attractions/event/traditionalevents/february/a09_fes_setsubun.html),不過佢哋講嘅係二月嘅節分萬燈籠)。八月嘅叫做中元萬燈籠,Travel.jp嘅呢篇(https://www.travel.co.jp/guide/article/33758/)有頗多相片可以參考。下個月喺關西嘅影友不妨考慮下。入場費500円,開放時間係晚上七點至九點半。 八卦料:東京市政府早排訪問咗大約一萬三千名外國遊客,發現佢哋喺東京流連嘅地區會因為國籍而有所不同。例如歐美遊客喜歡渋谷,台灣人就去淺草體驗下町風情。東南亞、韓、香港遊客鐘情新宿,大陸同俄羅斯人就去銀座駛錢。最奇嘅係印度人獨愛秋葉原,可能係去買貨同睇IT嘢都唔定。東京市政府希望調查會顯示名國遊客嘅喜好,從而進一步提供、配合佢哋嘅需要。(Japan News報導:http://www.the-japan-news.com/news/article/0004576569) 今個禮拜講到呢度,下次再見!

Posted in 交通, 文化, 新聞, 日本, 景點, 飲飲食食 | Leave a comment