Monthly Archives: June 2014

北國之美食: Hokke 花魚

http://www.5dwalk.net/wp-content/uploads/2014/05/P6050180.jpg

作為一個遊客,去日本通常都會食吓魚生壽司。香港人早於八九十年代開始食日本野,但仍有不少人對日本的魚, 只認識三文魚刺身,以及鰻魚。識食多一點,可能會知道青花、秋刀同多春魚。今次我想同大家介紹一下呢隻魚。 呢種魚,叫做花魚 – 漢字寫成魚字旁加個花字「魚花」,日文叫做「ほっけ」或者「ホッケ」。英文叫 Hokke 或者係 Okhotsk atka mackerel, 都可算係青花魚既表兄弟。   如果無記錯,相片中的定食,在札幌二条市場果度嘅食店只賣 1000 yen,不是乜野富貴野,但佢係海魚、最出名嘅產地為北海道羅臼。而通常ほっけ捉到之後,會以 “一夜干” 既方法處理好, 買到的話通常都係真空包裝的一包包。因為一夜干過程有用鹽,條魚本身已算叫做調過味,因此只要拎個平底鑊煎一煎就可以食得。一夜干呢個技巧聽聞都係來自北海道, 話會令魚既鮮味提昇,魚肉又會更加實淨,但信不信由你啦。 Youtube 搵到呢條片,雖然係日文而且無字幕,但睇片都可以知多少少大概的。 北海道羅臼産開きほっけを紹介します! 好嘞,作為一個旅遊資料網頁,點解無啦啦咁 X 太與你? 無它的。去旅行其實都係飲飲食食,但試下當地人都鐘意食嘅野,其實都幾得意。 此外日本各地嘅居酒屋都有呢隻魚食。因為在北方的日本人好多因份工都離鄉別井,為左一解思鄉之情,食飯都會叫番喲 “故鄉之味”。 如有一日你去到日本而唔知食乜好,我會推介呢個。:-) PS: 其實可能只係我思鄉,我剛剛係 759 買左兩條返屋企….

Posted in 日本 | Leave a comment

往返日本航班的行李重量限制

http://www.5dwalk.net/wp-content/uploads/2014/05/IMG_2257a.jpg

先鳴謝網友 Ignatius Tam 突破盲點。 話說係好耐好耐之前, 坐飛機經濟客位可以俾你帶兩件行李的。可是好景不常, CX 首先玩 Cut Weight, 號稱俾你帶無限件,但總重量不可以超過 23kg,否則要加 Exceed Luggage Fee。就算你喺尊貴的 Marco Polo Club (MPC) 銀卡會員,也只可以加多 10kg 免運費。當時我也很自豪自己是一個 ANA 撚 – 當時 ANA 經濟艙 還是可以免費帶兩件 23kg 行李。(編按: 其他直航至日本之航空公司: JAL 現仍時為2 X 23KG 的行李,Air India, Delta 則為1 …

Posted in 交通, 里程資訊 | Tagged , , , | Leave a comment

ANA機上的怪飲品 – 香るかぼす

http://www.5dwalk.net/wp-content/uploads/2014/05/img_drink01-190x150.jpg

其實識我耐少少既人都知我對ANA有偏愛的。以前個個同事過美國華盛頓 IAD 都會係坐 CX 過去紐約或者多倫多再轉機, 可是我係會坐 ANA 先去 TYO 再飛去 IAD, 理由你應該懂得的。;-) 而 ANA 比起 CX 或者 UA 係酒水方面也算得上大方的。當CX 有 250ml 紙包檸檬茶俾你慢慢飲時, 我多數會問佢拎支白酒再加杯蘋果汁,自家 DIY Apple Cider….. 不過近兩次坐佢地,發覺咗一種新飲品, 叫做 香るかぼす。 官網介紹 – 太陽の光をたっぷり浴びて育った、九州・大分産の新鮮な「かぼす」をぎゅっと搾りました。柔らかな酸味と蜂蜜の甘さがほどよく調和して、心も体もほっと癒される爽やかさをお楽しみください。 即係乜? 我唔知道。不過好飲到令我好想買番兩支來飲囉。如果咁啱你下次會飛ANA, 不妨試試!

Posted in 交通, 飲飲食食 | Tagged , , | Leave a comment

你的電話真的可以在海外上網嗎?

http://www.5dwalk.net/wp-content/uploads/2014/04/IMG_3886.jpg

其實我都唔係好明,點解有人搵我幫拖係度寫下野。 雖然我係一個 Dude, 但一向也不愛寫字。就算寫,也多寫一些高科技宅訊嘛…. 不過有機會係度俾我寫下嘢,也是要感謝一下的。 因工作關係,我也算是 “第二代” 手機上網人仕 (用 SE P900i 前,我也用過其他機的), 睇電視都有教你出外旅行叫你開 Flight Mode 呢啲係人都識既野,我都唔多講嘞。 不過你有冇諗過好多時世界各地也不如香港咁美好,一開電話就有 LTE 或者 4G 的嗎? 有冇諗過只會出 NO SIGNAL? 我就試過唔少次了。 你可能話係我個電話屎, 所以收唔到。但其實世界太大,網絡實在有太多種。剛剛 NO SIGNAL 嘅一次,豬在大峽谷 (Grand Canyon) - 由 Las Vegas 坐巴士要坐五小時既不毛之地, AT&T 都無計! 但佢地有另一個本地台提供電訊服務。 …

Posted in 通訊 | Tagged , , , , | Leave a comment

湘南名勝 – 江ノ島優閒遊之一

http://www.5dwalk.net/wp-content/uploads/2014/05/藤沢駅前-300x199.jpeg

日本神奈川県湘南海岸係一個有名,亦係有錢人聚集嘅地方。 江ノ島(江之島),就座落於湘南海岸線上。 呢個地方由古時開始已經係有名嘅觀光名勝,佢不單只有動亦有靜,最近亦因為一套電影嘅關係而變身為一個浪漫嘅新熱㸃。 江ノ島,我相信唔太多香港人認識。 但如果大家係2013年有睇一套日影,港譯 “寵愛情人夢” (日文名:陽だまりの彼女)嘅話,其中有一幕 “松本潤” 同 “上野樹里” 係鎖頭上面寫名再鎖上係欄杆到就係江ノ島嘅其中一個有名嘅景點。 講到江ノ島,咁點都要講少少佢嘅歷史。其實佢本來真係一個島,但佢就好似香港嘅長洲咁因為海流同沙嘅不斷沈積而喺島與島之間出現一條路。再之後,係1949年日本人將原本沙路上面嘅木橋拆除改以水泥起咗 “江の島弁天橋” 以方便人同車出入。不過唔講你唔信,當時過橋係要收錢㗎,呢加就梗係唔係喇。 入番正題先,點樣可以去江ノ島呢?有國際車牌嘅當然可以租車揸過去,而我因為好享受坐火車嘅過程,咁就梗係介紹大家坐火車啦。 大家係東京可以坐 “JR湘南新宿線” 或 “小田急小田原線” 先去 “藤沢市”。 藤沢駅 係“藤沢駅”落車之後,可以轉乘“江ノ島電鉄(簡稱:江ノ電)。或者“小田急江ノ島線”去江ノ島。跟住路牌就可以搵到啦。 而我就會推薦大家坐 “江ノ電”,雖然 “小田急江ノ島線” 新好多同佢個 “片瀬江ノ島駅” 比 “江ノ電” 嘅 “江ノ島駅” 近 “江ノ島” 好多,但因為“江ノ電”到今年已經有114年歷史仲係日本嘅現存古老鐵路其中之一。各位係坐火車之餘仲可以沿途欣賞鐵路各車站風景。仲有係 “江ノ電” 係有提供1日乘車證,票價只係580円就可以係1日裏面任搭。車票可以係車站嘅售票機買,但如果大家想買張有紀念嘅車票,咁就要去藤沢車站嘅 “江ノ電” 紀念品專賣店到買啦。 江ノ電1日乘車紀念票 …

Posted in 日本, 行程 | Tagged | Leave a comment