新聞快打 – 二零⼀九年二月二日

又係新聞快打嘅時間!休息咗一排,返到嚟啲新聞好似洪水咁湧過嚟!今個禮拜實行出特大號!

  • Uber Taxi 進出大阪同東北: Uber Taxi繼上年十二月喺名古屋開業之後, 今個星期再公佈新動作。今次同大阪府以及東北三市(青森、仙台、福島)嘅大手的士公司合作,提供Uber Taxi服務。希望服務快啲喺東京、京都呢啲大市場登場啦。
  • N700S登場有期:N700S將會喺2020年七月華麗登陸東海道新幹線!N700S以安全性、穩定性加強為主,除咗JR東海之外,JR西日本嘅N700亦將由N700S取代。而部份現役嘅N700A列車亦會更新成N700S規格。
  • Booking.com成為日本首間旅遊預訂網站提供網上預訂渡輪過夜艙位Booking.com名門大洋渡輪公司達成協議,大阪至九州新門司港嘅渡輪嘅二等倉船飛已經可以喺Booking.com買到。小知識:喺日本,一般船飛只會喺船公司自家網頁或購票熱線訂。所以今次Booking.com嘅合作被視為開創先河,因為本土訂票網都未能打開嘅市場,俾鬼佬打開咗。
  • Haruka Hello Kitty 別注車登場:估唔到JR西日本行走關西機場去大阪、京都嘅特急Haruka都有無咀貓嘅踪影。列車設計以春天為題材,用花朵同蝴蝶配Hello Kitty,售票機亦會加上同主題嘅裝飾。二月五號下午一至三點,喺JR關西機場站重會有歡迎活動,Hello Kitty亦會亮相!呢一次只係第一輪活動,之後重有。
  • 巴士、的士禁止攜帶刃長多過六吋嘅刀,四月實施:因應上年喺新幹線有人持刀襲擊乘客,繼各鐵路公司聯手禁止乘客携帶長過六吋嘅刀之後,國土交通省終於加入,禁止携帶過長又未經適當包裝嘅刀上巴士及的士。適當包裝即係有刀套、有盒,用包裝紙包好,放入袋內,車程間唔可以拆封。
  • 行李儲存startup ecbo cloak終於有appiOSAndroid都有,開新户口、管理個人資料、預訂行李儲存,一隻app搞掂。

今個星期嘅特大號又告一段落,下星期再見!

About 菲力士

旅遊歷近三十年,真正自由行從零五年開始。近年多去日本,關西專門。
This entry was posted in 交通, 通訊 and tagged , , , , , , , , , , , , . Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.