你的電話真的可以在海外上網嗎?

其實我都唔係好明,點解有人搵我幫拖係度寫下野。

雖然我係一個 Dude, 但一向也不愛寫字。就算寫,也多寫一些高科技宅訊嘛…. 不過有機會係度俾我寫下嘢,也是要感謝一下的。

因工作關係,我也算是 “第二代” 手機上網人仕 (用 SE P900i 前,我也用過其他機的), 睇電視都有教你出外旅行叫你開 Flight Mode 呢啲係人都識既野,我都唔多講嘞。

不過你有冇諗過好多時世界各地也不如香港咁美好,一開電話就有 LTE 或者 4G 的嗎? 有冇諗過只會出 NO SIGNAL? 我就試過唔少次了。

你可能話係我個電話屎, 所以收唔到。但其實世界太大,網絡實在有太多種。剛剛 NO SIGNAL 嘅一次,豬在大峽谷 (Grand Canyon) - 由 Las Vegas 坐巴士要坐五小時既不毛之地, AT&T 都無計! 但佢地有另一個本地台提供電訊服務。

IMG_3886

容我試試簡單去簡介一下 頻譜 (Frequency Band) 呢個概念先。

GSM 年代開始之先,係個個都揸住個大哥大年代。果陣時電話網絡叫做 GSM900 (900 呢個數字其實即係無線電波收發既電波頻率, 代表 900MHz 既頻帶); 後來 Leon 為左要救唔知第幾代既阿 May 用果個電話既時期推出既電話, 就係叫做 PCS / GSM1800.  之後好多電話可以同時支援兩套網絡系統, 所以唔知幾時,我地就叫嗰啲電話做雙頻電話。GSM呢個系統因為要因應世界唔同地方既電訊要求,或者係唔同既頻譜分配,推出左 GSM850 同 1900 系統… 去到 3G 年代日本興起用2100, 之後大陸又有佢自己一套用左 2600MHz… 所以四頻電話說真的, 其實都唔係 “世界通行” 的…. 如果無記錯,台灣剛剛係今年出左隻號稱可以 “乜都收晒” 嘅六頻電話呢。

沒有收得最好的頻譜, 也沒有網絡有100%的覆蓋率。

只係講能夠有 Signal 講電話,都可以咁煩了, 上網呢啲 “更高級” 嘅服務, 當然有更多嘅限制嘞。為左方便理解, 當有 4G 網絡出現之後,在電話會用 Operating Band 去指明佢地支援邊一個頻譜。(有興趣可以睇下 Wiki –  UMTS frequency bands )
可幸的係世界嘅 “標準” 雖然有好多套,但只係純粹上FaceBook Post一兩張相去 “呃 Like”, 其實唔駛出個衛星電話咁辛苦嘅。

以下為我既小 Tips

  • 雖然唔係建議你去用, 但如果你在香港的電話服務供應商 (Service Provider, 下稱 SP) 有提供 “日費數據漫游” , 不妨睇下係你打算去旅行嘅地方,佢地會搵邊個 “在地” SP 去做 Partner. 咁你真係打算落地買番當地 SIM Card 用都知道邊啲可以用,邊啲唔駛諗
  • 事前最好了解一下你用緊的電話可支援既數據頻道. 以下係我幫大家搵到嘅,可以參考下
    iPhone 5: http://support.apple.com/kb/sp655
    iPhone 5s: http://www.apple.com/iphone-5s/specs/
  • 小心留意在外時要 “鎖定” APN 設定,以免在訊號覆蓋差嘅地方 “漫游” 去另一個 SP.
  • 就算係所謂的 “無限” 使用,其實也有可能會有 公平使用守則 規範的。一般都係過咗流量後初則減速,續而用唔到的。
  • 2014年了 - 唔經電話張 SIM, 都可以用 Wifi 哦. 🙂
    家陣其實 Wifi Hotspot 真係周圍都有架.

下篇文再同大家講多少少呢方面既資料.

 

 

About macjuju

18歲第一次行山, 22歲第一次下海, 25歲第一次坐飛機。 2013-14 年間 Mileage Run 飛左兩萬里,家陣如以往一樣咁窮......
This entry was posted in 通訊 and tagged , , , , . Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.