去日本探貓貓Dayan

http://www.5dwalk.net/wp-content/uploads/2014/04/Kawagutikou_Dayan_web-300x200.jpg

こんにちは。 キャリーです。 一開場就打兩句日文呃下字先。XD 講開日本,相信好多人對佢哋嘅各式各樣キャラクター(character)好似鬆弛熊、Hello kitty呢啲角色都唔多唔少有所認識。 但有一款貓貓角色大家可能見過,但就唔太多人留意。 佢就係貓貓Dayan(ダヤン)喇。 我以前去日本時因為友人嘅關係而要幫忙購買呢隻貓貓嘅goods,而我本身亦好鐘意貓貓所以亦喜歡上呢款角色。 講開Dayan貓貓,其實好多日本人鐘意㗎。 而呢隻貓貓係日本全國係擁有好多大大小小嘅Dayan shop專門店,只係東京都內已經有7間。 而佢嘅精品由衫褲、飾物到家居擺設包羅萬有,真係眼花繚亂。 仲有係佢哋好識做生意,每間舖都有自己嘅限定商品,定力少啲都肯定荷包大出血。XD 當然,Dayan專門店亦好似其他舖頭咁有佢哋自己嘅會員卡。 大家買完嘢而總額超過某一個數(冇記錯1萬円左右)就可以成為會員,有需要嘅朋友記得開番張啦。 會員卡有乜用?好簡單,用嚟儲分換禮物囉。 咁你又可能會話,唓~ 禮物啫有乜咁特別喎? 重點係佢哋啲禮物只可以用point嚟換而唔會係舖頭買到,咁樣就同限定差唔多。 而呢啲用point換嘅禮品係數量有限嘅,換晒就會轉款。 好喇,咁又有啲乜嘢可以換呀?唔吸引嘅又點會叫到你心甘情願畀錢買嘢儲point呢? 可以換嘅嘢有碗碟、杯、煲、刀义、圍裙、擺設等,最殺食係呢尐禮品真係靚加吸引。 當然,唔會每次都係好吸引,不過~我發覺點都會有啲心頭好嘅嘢出現係你眼前。 總之一句,當換到第一樣跟住第二、三樣或更多就會陸續出現,問你死未?XD 係呢到提一提有心儲point嘅朋友,呢間舖係有一個特別嘅服務(其實其他公司或舖頭都會有),呢個服務佢哋叫雨の日(雨之日)。 係落雨天去買嘢係可以儲兩倍分㗎,如果各位朋友係日本又撞啱落雨天而各位朋友又有嘢要買嘅話,記得唔好浪費機會喇。同一個價錢儲兩倍分喎,正所謂快人一步目標達到嘛。XD 係日本有咁多Dayan舖頭,我就冇可能全部去晒。不過我自己多數會去吉祥寺嗰間舖。 點解?唔遠咩? 咁又唔係太遠啫,其實點解我會㨂呢到,係因為附近有各式各樣其他唔同嘅舖頭囉。 一落電車可以係車站附近嘅地方食好出名嘅牛肉薯餅(牛肉コロッケ),跟住慢慢行去搵Dayan,買完係隔離星巴克飲下嘢又得,又或者返出大街100円店買嘢。再唔係可以返出去車站附近去Moomin Stand(姆明)到買嘢飲,如果鐘意鬆弛熊嘅又可以係Moomin Stand同一位置嘅shopping mall嘅頂樓搵到鬆弛熊專門店,仲唔係荷包大出血?XD 另外,如果各位朋友會去山梨県河口湖浸溫泉嘅話,咁一定要去河口湖畔嘅Dayan shop參觀下,呢間shop好舒服㗎,有嘢買之餘係樓上仲有個Dayan插畫展覽館,買完嘢可以係旁邊嘅餐廳食嘢或者飲嘢,享受一下寧靜又可以行出去欣賞下世界遺產富士山景色,幾開心呢。 河口湖Dayan Shop Dayan貓貓迎接大家 第二張相留意背景可以見到富士山哦。 吉祥寺Dayan …

Posted in 日本, 行程 | Tagged , , | Leave a comment